Усе на продаж: урад рыхтуе льготы для бізнесу

Беларускія прадпрымальнікі блізкія да таго, каб дзякуючы крызісу атрымаць істотныя падатковыя льготы і спрашчэнне адміністрацыйных бар'ераў. На разглядзе ва ўрадзе ўжо знаходзіцца праект указа прэзідэнта аб стварэнні прадпрымальнікам прывабных умоў для экспарту прадукцыі беларускіх вытворцаў. Дакумент прадугледжвае шэраг падатковых паслабленняў, на якіх настойвае бізнес-супольнасць. І калі канчатковы тэкст указу захавае асноўныя льготы, экспарт беларускіх тавараў для ІП можа стаць і выгадным, і прыбытковым.